ՁԵՐ ԳՈՐԾՈՂՈՒԹՅՈՒՆՆԵՐԸ ՃՏՊ ԴԵՊՔՈՒՄ

ՃՏՊ-ի վայրում գործողությունների կարգը սահմանված է Հայաստանի ավտոապահովագրողների Բյուրոյի կանոններով, որովհետև ըստ օրենսդրության, բոլոր ավտոսեփականատերերը պետք է ունենան ԱՊՊԱ պայմանագիր: Գործողությունների ստանդարտ կարգը հետևյալն է.

• Անմիջապես կանգնեցրեք ավտոմեքենան և միացրեք վթարային լուսային ազդանշանը:
• Զանգահարեք ճանապարհային ոստիկանություն
• Մի՛ տեղաշարժեք ավտոմեքենան և ոչինչ ձեռք մի տվեք պատահարի վայրում (վթարի հետ կապված առարկաները) մինչև ճանապարհային ոստիկանության, իսկ անհրաժեշտության դեպքում նաև ապահովագրական ընկերության աշխատակցի ներկայացուցչի ժամանումը
• Տուժածներին Ձեր ավտոմեքենայով հիվանդանոց փոխադրելու անհրաժեշտության դեպքում նախապես՝ վկաների ներկայությամբ, լուսանկարեք վթարի պատկերը՝ ավտոմեքենաների փոխադարձ դիրքը, վնասվածքները, հետքերը և պատահարի հետ կապված մյուս առարկաները
• Պատահարը տեղի ունենալուց հետո ոչ ուշ քան 40 րոպեի ընթացքում զանգահարեք (012) 88 88 88 շուրջօրյա հեռախոսահամարով և ծանուցեք պատահարի մասին, պատասխանելով մեր աշխատակցի հարցերին
• Անհրաժեշտ է կատարել ապահովագրական ընկերության ներկայացուցչի հրահանգները

ԱՊՊԱ-ի մասին օրենքի համաձայն ՃՏՊ տեղի ունենալուց հետո 3 ամսվա ընթացքում անհրաժեշտ է լրացնել ԱՊՊԱ հատուցման դիմումը և ներկայացնել փաստաթղթերի պահանջված ցանկը: Բոլոր հնարավոր տարբերակները ներկայացված են ստորև.

ՃՏՊ ՎԱՅՐՈՒՄ ԳՈՐԾՈՂՈՒԹՅՈՒՆՆԵՐԻ ՊԱՐԶԵՑՎԱԾ ՏԱՐԲԵՐԱԿ

Պարզեցված կարգը ընտրելու դեպքում կարելի է չսպասել ապահովագրական ընկերության և ճանապարհային ոստիկանության ներկայացուցիչների ժամանմանը պատահարի վայր: Սակայն տվյալ կարգով կարելի է առաջնորդվել, եթե ՃՏՊ-ն համապատասխանում է հետևյալ պահանջներին.

• ՃՏՊ-ում ներգրավված են միայն երկու ավտոմեքենա, առնվազն մեկն ունի գործող ԱՊՊԱ պայմանագիր,
• ՃՏՊ-ի դեպքում վնաս է պատճառվել միայն այդ երկու ավտոմեքենաներին,
• Վնաս պատճառած անձն ընդունում է, որ ՃՏՊ-ի առաջացման միակ մեղավորն ինքն է և առկա է փոխադարձ համաձայնություն դրա վերաբերյալ,
• Տուժողի կողմից վնաս պատճառողից ակնկալվող վնասի հատուցման չափը չի գերազանցում 200,000 դրամ
• Բջջային հավելվածով պատահարը ձևակերպելու դեպքում Երևանում վնասի հատուցման առավելագույն չափը կազմում է 400,000 դրամ, իսկ Երևանից դուրս տեղի ունեցած պատահարների դեպքում՝ 200,000 դրամ։

ՃՏՊ ՎԱՅՐՈՒՄ ԳՈՐԾՈՂՈՒԹՅՈՒՆՆԵՐԻ ՍՏԱՆԴԱՐՏ ՏԱՐԲԵՐԱԿ

Ստանդարտ ընթացակարգը կիրառվում է, եթե․

• Մեղավոր կողմը պարզ չէ
• Պատճառված վնասը գերազանցում է պարզեցված տարբերակով նախատեսված հատուցման առավելագույն գումարը
• Վնասվել է ավելի քան 2 ավտոմեքենա
• Ավտոմեքենաներից բացի վնասվել է նաև այլ գույք
• Վնաս է պատճառվել որևէ անձի առողջությանը կամ կյանքին։

Մանրամասն գործողությունները պատահարի վայրում կարող եք բեռնել՝ սեղմելով <ՃՏՊ ուղեցույց>:

ԿԱՐԵՎՈՐ Է.

• ԱՊՊԱ համակարգում տուժողները ստանում են ապահովագրական հատուցում ԱՊՊԱ պայմանագիր կնքած ապահովագրական ընկերությունից:
• Եթե վարորդը հնարավորություն չունի պատահարը ձևակերպելու իր հեռախոսի կիրառմամվ՝ հավելվածի միջոցով․ ապա անհրաժեշտ է մեքենայում ունենալ Համաձայնեցված հայտարարագրի ձևաթուղթը։ Այն հնարավոր է վերցնել նաև մեր ընկերության ցանկացած գրասենյակից կամ գործակալից:
• Չմոռանաք, որ ստորագրված համաձայնեցված հայտարարագիրը և լուսանկարների ֆայլերը պետք է փոխանցել տուժող վարորդին, իսկ նա իր հերթին պետք է 5 աշխատանքային օրվա ընթացքում լրացնի առցանց դիմում և լուսանկարները կցի այդ դիմումին: Մենք նախատեսել ենք ՃՏՊ-ի վայրում նկարահանած տեսանյութերի ֆայլերը փոխանցելու տեխնիկական միջոցներ առցանց դիմումը լրացնելու էջում
• բջջային հավելվածով պատահարը ձևակերպելու դեպքում հատուցման դիմումն ինքնաշխատ է ներկայացվում ապահովագրական ընկերություն, այսինքն Դուք ազատվում եք դիմում լրացնելու անհրաժեշտությունից։

ԱՊՊԱ-ի գծով հատուցում ստանալու համար անհրաժեշտ փաստաթղթերի ցանկը.

Ֆիզիկական անձի համար․

• Անձնագիր
• Տեխ. անձնագիր
• Վարորդի վարորդական վկայական
• ՃՈ արձանագրություն (եթե առկա է)
• Լիազորագիր (տրված սեփականատիրոջ կողմից)
• Սեփականատիրոջ անձնագրի պատճեն

Իրավաբանական անձի համար․

• Դիմումատուի անձնագիր
• Վարորդի վարորդական վկայական
• Տեխ. անձնագիր
• Տեխ. անձնագրի ներդիր (եթե շահագործվում է այլ համարանիշով կամ որպես տաքսի)
• Պետ. ռեգիստրի վկայական
• ՀՎՀՀ
• Լիազորագիր (տրված ղեկավարի կողմից)
• Ղեկավարի անձնագրի պատճեն
• ՃՈ արձանագրություն (եթե առկա է)

Նախարարության աշխատակազմի համար․

• Դիմումատուի անձնագիր
• Վարորդի վարորդական վկայական
• Տեխանձնագիր
• Լիազորագիր (տրված Աշխատակազմի ղեկավարի կողմից)
• ՃՈ արձանագրություն (եթե առկա է)

Ոչ առևտրային կազմակերպության (կամ բանկի), որոնք չունեն պետ. ռեգիստրի վկայական․

• Դիմումատուի անձնագիր
• Լիազորագիր (տրված ղեկավարի կողմից)
• Ղեկավարի անձնագրի պատճեն
• Տեխ. անձնագիր
• Տեխ. անձնագրի ներդիր (առկայության դեպքում)
• Վարորդի վարորդական վկայական
• Գրանցման վկայական (լիցենզիա)
• ՃՈ արձանագրություն (եթե առկա է)

Նշված բոլոր փաստաթղթերն ու տեղեկությունները ներկայացնելուց հետո դիմումը համարվում է ընդունված և սկսվում է հատուցման օրերի հաշվարկը

ԱՊՊԱ ՇՐՋԱՆԱԿՆԵՐՈՒՄ ԱՅԼ ԼՐԱՑՎՈՂ ՁԵՎԱԹՂԹԵՐ ԵՎ ԴԻՄՈՒՄՆԵՐ․

• Գույքին պատճառված վնասների գծով ապահովագրական հատուցում ստանալու վերաբերյալ դիմում
• Գույքի առանձնացված գնահատում իրականացնելու վերաբերյալ դիմում
• Անձնական վնասների մասով ապահովագրական հատուցում ստանալու վերաբերյալ դիմում
• Ապահովագրական հատուցում ստանալու վերաբերյալ ներկայացված դիմումին ընթացք չտալու դիմում
• Ապահովագրական հատուցման գործընթացը դադարեցնելու վերաբերյալ ծանուցում
• Լրացուցիչ փորձաքննություն իրականացնելու պահանջի վերաբերյալ դիմում
• Կրկնակի փորձաքննություն իրականացնելու պահանջի վերաբերյալ դիմում
• Կրկնակի (լրացուցիչ) փորձաքննություն իրականացնելու պահանջի վերաբերյալ ներկայացված դիմումին ընթացք չտալու վերաբերյալ դիմում
• Գույքի վերանորոգման տարբերակ ընտրելու մասին դիմում
• Հայտարարություն տեղեկատվության ճշգրտման վերաբերյալ
• Ապահովագրական պատմությունը և/կամ բոնուս-մալուս դասի հաշվարկը բողոքարկելու վերաբերյալ դիմում
• Ապահովագրական պատմության վերանայման վերաբերյալ դիմում

Թվարկված դիմումների առցանց տարբերակները կարող եք լրացնել <ԱՌՑԱՆՑ ԾԱՌԱՅՈՒԹՅՈՒՆՆԵՐ> էջում

ԿԱՍԿՈ-ի գծով հատուցում ստանալու համար անհրաժեշտ փաստաթղթերի ցանկ.

ՃՏՊ տեղի ունենալուց հետո առաջին իսկ հնարավորության դեպքում լրացրեք ԿԱՍԿՈ ապահովագրական հատուցում ստանալու դիմում առցանց՝ դիմումին կցելով փաստաթղթերի հետևյալ ցանկը.

• Անձնագիր
• ԿԱՍԿՈ պայմանագիր
• Եթե դիմում է ոչ սեփականատերը՝ լիազորագիր՝ ֆիզիկական անձանց դեպքում հաստատված նոտարով, իսկ իրավաբանական անձանց դեպքում՝ գլխավոր տնօրենի ստորագրությամբ և կազմակերպության կնիքով
• Արձանագրության և որոշման պատճենները կամ վարչական իրավախախտման սահմանումը
• Պետական գրանցման վկայականը
• ՃՏՊ-ի ժամանակ մեքենան վարողի վարորդական վկայականը:

Ավելի մանրամասն տեղեկություններ ստանալու համար զանգահարեք (012) 88 88 88 շուրջօրյա հեռախոսահամարով: